Мушавирдихъ галаз акунар

Гатун эвелра республикадин президентдин милли, мултикултуриализм ва диндин крариз килигзавай мушавир Камал Абдуллаеван лезги интеллигенциядин векилрихъ галаз акунар хьана. Акунар Славян унверситетдин конференцдин залда кьиле фена. ЦIийиз хьанвай мушавирди вичин вилик квай програм ва къастарикай ихтилатар куьтягьайдалай кьулухъ гаф чи играми Девлетдин Нафтадин Академиядин профессор Камал Абдуллаева къачуна. Ада Хачмаз шегьердин абадвилин патав гьа и райондин чилеллай амма барбатI яз амай Худат шегьердикай ва сергьятдал алай Яламадин чIана гьаларикай президентдиз хабар гун тIалабна. Гуьгъуьнаваз рахай Рауф Маммедзадеди «Самур» газетдин финансрин, КцIарин телевидениядин ва вичин хайи Хуьрел хуьруьн мискIиндин месэлеяр къарагъарна. Ахпа гаф къачур М.Меликмамедова лезги чIалан тарсарин ва чIалан улубрин проблемар хкажна.

Виридалай гуьгъуьнай гаф лагьай Шаир Гьасанова лезги радиодин гнугар FM –дин лепейриз вегьиникай, штатар ва чIав артухар авуникай рахана. Арада лезги мискIиндин проблемарикайни ихтилатар кьиле фена. Лезги интел­лигенциядин векилрихъ галаз таниш жен патал хьанвай акунар хъсан ва конструктив меслятралди кьилиз акъатна.

 

«АЛАМ»

Добавить комментарий

Ваш адрес email не будет опубликован. Обязательные поля помечены *