ЛекI –лезгияр 

Дагъни аран- Алпан Ватан 
Чан зи хайи лезги макан. 
ГьикI хьана лагь, чкIана вун, 
Къати тирни залум душман? 

Кефер патан чилелай вал
Атай душман авачиз сан.
Скиф, сармат, хазарни, гунн
Вуж ятIа мад,- барбатIиз вун?

ТIимил тучир, чIулав къуват
МуьтIуьгъариз лезги къудрат.
Кьибледикай персни араб,
Гъилеваз цIай, сивеваз таб.

Чи пад чухваз атай душман,
Жедач гьесаб! Амма лугьун
Хкажа ван, лекI лезгияр!
Ватанперес- хьанач муьтIуьгъ.

Хвена къуват, хвена къудрат
Гьинва скиф, хазарни гунн?
Туш хьи гьайиф, сармат «цIурун»
ЛекI лезгияр,- алпанвияр!

Лезги, рутул, агъул, удин,
Будух, цIахур, хинал, арчин,
Къириз ва гьакI табасаран
Вуч хьуй куь гьахъ, туштIа Алпан.

Чили хвена хайи, патан.
Къе хуьн а чил, жен адан ван,
Эй зи Ватан, къведа а вахт
Гъидай чна ваз экуь бахт.