Июндин вацра зун, «Алам» журнал райондин агьалийрив агакьарунин рекъер жагъурин паталди КцIариз хъфенвай. Интернетдай кIелай ва бязибрун мецера авай «КцIара лезги пресса чкIуруниз машатзава», хьтин мифар тапарар акъатна. Чаз машатзавайбур акунач. КцIарвийри ва районда авай культурадин тешкилатри «Алам» журал экуьнал акъатун хабар хъсан къаршиламишна. Райондин культура ва туризмдин идарада, РАНО-да, спорт ва жегьилрин идарада, «КцIар-Къусар» газетдин редакцияда ва Гьукуматдин КцIар Лезги Драм театрда чи рахунар вини гьавада кьиле фена.Малумат паталди лугьун герек я хьи, агьалидин сан 10 000-лай виниз тир КцIара 6 чкадал газет ва журналар маса гузвай «точкаяр» ама. И сан за алай чIавуз уьмуьрзавай 30 000 агьали авай Бузовнадихъ галаз гекъигайтIа, гьисаб кцIарвийрин хийирдиз 6 : 2 жеда. Бузовнада тек 2 чкадал газет-журнал маса гузва.
И фактуни къалурзавайвал, кцIарвийри гьелени кIелунал, чирунал рикI женин имидж квадарнавач.
КцIар шегьерда журналар пайайдалай кьулухъ зун са хвеши жедай кардал расал хьана: Н.Нариманован тIварунихъ галай паркунин къаншардавай магазиндиз «Къая» пресса чкIурунивди машгъул тир фирмадин рекъяй чи журналар ракъурнавай.
Зун КIцара мадни кьве хъсан кардал гьалтна.
Сад лагьайди, Гакуматдин КцIар Лезги Драм театрда ремонтар кьилиз акъатнава ва артух цIийи эсерар сегьнедал эцIигнава. Ибур композитор — драматург, Дагъустандин халкьдин артист Асеф Мегьманан «Зи седеф» ва М.Ф.Ахундован «Хырс Къулдурбасанан гьикаят» комедияяр я. Тамашадиз килигиз райондин кьил Ш. Алхасов идара ва тешкилатрин руководителарни галаз атанавай.
Кьведлагьай рикI шадрай кар.
Заз аял чIавалай чидай «книжный магазин» лугьудай магазиндиз гьахьайла зун, фейи асрдин 70-лагьай йисариз хтана. Чаз гьан чIавуз акур порядок, култура, эстетика, михьивал ва чаз кIани лезги литературадин улубар (ктабар) акуна.
Игила и магазиндиз «Алескеран магазин» лугьузва. Алескер даха тIили, савадлу, михьи ва чина берекет авай са экуь ИНСАН я. Ада лагьана, “Урусатда ва маса кьецепатан уьлкейра уьмуьр завай кцIарвияр ватандиз хтайла и магазиндиз татана хьфидач! Инаг абрун «настолжи» гьиссерин са кIус я . И кар чиз чна, магазиндин дизайн -оформления дигишарзавач”. Завай хьайитIа, и магазиндин кьиле авайбуриз КцIар шегьердин медени — маарифдин лайихлу кIвалахьдар твар къвезава.
Машгьур инглисрин критик Уильям Хезлитаз са ихтин гаф ава.
«ЛИШЬ ТОТ ЗАСЛУЖИВАЕТ ПАМЯТНИКА, КТО В НЕМ НЕ НУЖДАЕТСЯ.»
Ахирдай, магьнайрик экъуьн тавуна, темпелвал тавуна чна гьи темпдал кIвалахайтIа, зун чIалахь я, чавай «Алам» журнал, гьар са кIанидаз агакьариз алакьда.
Абир ЭЧIЕХВИ
Баку-КцIар