И хабар чун патал са тIимил мягьтелвал, тажуб квайди, геж хьайиди хьана. Белки, чун са тIимил вилик галай. Бакуда, Магьач­къалада, Дербентда кьиле фейи мярекатра Фаризат Зейналовадин тIвар кьадамаз Дагъустандин Лайих артист лагьайла концерт тухузвайди акахьай хьиз жедай чаз. Садра лап хъелни атанай. Гьавиляй алатай гатуз Дагъустандин президентдин указдалди Фаризат Зейналовадиз Дагъустандин Халкьдин артист тIвар гайила, чаз цIийивал хьанач. Шукур гъана чна, гьа и жуьре лагьайла мад чидай ксари чахъ кьуьнт галукьар хъийидач.
Фаризат ханум ваз цIийи тIвар кутуграй. Ви ВАН, чи накьвадин, чи ятарин, чи гьавадин бегьер я. И тIвар ваз, вунни и тIварцIиз лайих я. Ваз датIана агалкьунар хьурай. Чи вири лайих тир веледар ихьтин чIехи тIварариз лайих акурай.

“АЛАМ”