Июндин ругудаз зи реал ва руьгьдин дуст, къени инсан, хайи халкь кани ва адан проблемар гьялун патал датIана къуьн кутазвай зари Вакъиф Муьшкуьрвидин 65 яш тамам хьава. Чи арада авай 20 яшиниз мукьва тафаватдиз килиг тавуна кьудкъанни цIуд лагьай йисарилай чна санал халкьдин сала цан цаз, тум вегьизва. Вакъиф муаллим лагьайтIа чIехи Забит ризванован, Лезги Няметан, Ядулла Шейдаеван, Иззет Шерифован мектеб акуна къенин «Марварда» чаз тарсар гузвай ксарикай сад я. ЧIехи гъуцар адаз куьмек хьурай!
Хайи Хьиларин хуьрелай яргъара Баку шегьерда дуьнедиз атанатIани уьмуьр дин чIехи пай Муьшкуьрда кьиле тухванва. Яргъал чIавара урус ва лезги чIаларин муаллим, Хачмас телерадиода лезги чIалан гнугрин редактор кIвалахай Вакъиф муаллимди кьудкъанни цIуд лагьай йисара Худата «Муьшкуьр» лезги къенивилин кIватIалдизни регьбервалнава. Алай чIавуз Хачмас райондин Къаражелли хуьруьн мектебда директорвалзавай Вакъиф муаллим умуьрдин рехъ санал гьалзавай зари римма ханумахъ галаз туькуьрунрин яцIа ава. Лезги поэзиядин анталогиядин кьвед лагьай паюнал, Хьиливи Яралидин уьмуьрдикай повестдал, цIийи шиир ва макъалайрал кIвалахзавай Вакъиф муаллимдиз «Алам» журналдин редакциядин коллективдин, «Марвар» литератур кIватIалдин патай хайи югъ мубаракзава, чандин сагъвал, рикIин шадвал тIалабзава. Ви уьмуьр мадни къени хьурай, дуст КАС!..