Са вил хъуьрез, са вил шехьзавай аямда туькьуьл хабарди рик1ера лепе туна. Зари Сейидмет Самури (Зуьлфуькъаров) уьмуьрдин 66 лагьай зулуз чавай къакъатна.

Сейидмет муаллим 1954-йисуз Кц1ар райондин Гуьндуьзк1еле хуьре дидедиз хьана. Манкъулидин хуьре юкьван мектеб, Бакуда Азербайжандин Педагогикадин институтдин филалогиядин факултет акьалт1арна, хайи хуьруьн мектебда муаллимвал авуна.

Жегьил ч1аварилай лезги ч1алал шиирар кхьизвай заридин эсерар газетриз, журналриз, алманахриз акъатна. «Шагь дагъдин авазар» т1вар алай улубдин кирам я.

Сейидмет муаллимдин къелемдикай вишералди шиирар, поэмаяр, драмдин эсерар хкатна. Ц1удралди шиирдиз манияр теснифнава. Заридин эсерра хайи ч1алаз, Ватандиз канивал кьилин тема я. «Рик1ин гаф» к1ват1алда активдаказ иштиракай Сейидмет муаллимди «Марвар» к1ват1алдин мярекатрани вичин рехивилин гаф лагьанай.

Ваз Аллагьди рагьметрай, Сейидмет муаллим! Ви крар, гафар, эсерар чи рик1ера дат1ана амукьда.
Чи ч1ал сагърай.

«Алам»,
«Марвар»