Бакуда «Араз» нешриятда «Лезги чIаланни – Азербайжан чIалан гафалаг» басмадай акъатнава. Улуб «ÜFÜQ-S” MMC-дин спонсирвилив 400 тираждалди, АМИА-дин Несимидин тIварунихъ галай ЧIаларин институтдин разивилелди арадал атанва. Гафалагдин кирамри — Жавид Ахмедова ва Юсуф Халилова 12000 кьилин гаф ва 900 -ез мукьва бубайрин мисалар кIватIнава. Улубдин кьетIенвилерикай садни ам я хьи, улуб «ÜFÜQ-S”дин куьмекдалди дуьнядин 20 –лай виниз девлетрин улубханайриз агакьарда.
Авторрин фикирдалди, сад лагьай сефер туькIуьрнавай и гафалаг кIелдайбуру вирида сад хьиз кьабул тавунни муьмкуьн я. ГьакIни лугьун лазим я хьи, авторри йисаралди кьилел кIвалахна арадиз акъуднавай и гафалаг Азербайжандин чIаларин илимдизни са савкьват я. КIелдайбурувай чи тIалаб ам я хьи, и гафалагдихъ галаз авсиятдавай теклифар чаз (migragvi0757@mail.ru ва tiihirjalvi@mail.ru) ракъурай. Авторри куь теклифар гьуьрметдалди кьабул ийида ва гафалагдин тикрар басмада, гьамни исятда басмадиз гьазурзавай «Азербайжан чIаланни – лезги чIалан гафалаг»да абур кьилиз акъудин хиве кьазва.

«АЛАМ»