Мустафаева Зарина Элвардодин руш 1995 йисан 24 февралдиз СтIал Сулейман райондин Бут хуьре дидедиз хьана. Юкьван мектеб акьалтарна Дагъустандин Политехник Колежда кIелна. ГъвечIи чIавалай манийрал, шииррал рикI алаз чIехи хьайи Заринади хайи чIалал шиирар кхьизва.

ДИДЕ

Ширин диде, аман диде,
Вун зи рикIе авазава.
Вун лайладив, зун шиирдив
Сад-садахъ кваз рахазава.

Лагьанай заз:-«Ишемир вун,
Диде сагъ яз амазама…»
Таб ятIани, чIалахъ хьанай,
Амма зи рикI цIраз ама.

Чир хьухь диде, зи рикIе вал,
ДатIана чан алайди я.
Чир хьурай ваз, ви рушахъни,
Ви рикIикай, авайди я.

Жегьил шаирар сифте яз такъдимзавайди “Марвар” литератур кIватIалдин кьил Эйваз Гуьлалийрин я.